隔一个星期上一次电脑实验,坐系我隔离依然系果个好容易激动既米奇怪.每当上呢节课.我同米奇都吾知应该做D乜,最大既原因梗系我同距都无听课波波叔讲课,每次当我地左顾右盼,稳吾到可以跟既人,我地就会呼唤坐系我地前边既仕萍同学,仕萍同学好乐意向我伸出援助之手,我学完之后又会教翻米奇怪,其实我地系隔一个星期互教一次,上两个星期系距教我既,今个星期我就教翻距.不过我地往往会浪费左仕萍同学既苦心,做左几个实验之后,我发现三金条链好似黑社会,米奇就话似发廊佬,距话黑社会系戴大金链噶,我就话吾系咯,距都可以系穷黑社会既姐,穷咪只可以带条绳再LENG住个大大既玉扣咯~讲完三金之后,我地就玩起SPACE来,反正坐系米奇隔离都预左无心向学噶啦，不如轻轻松松甘渡过一节课啦，THX米奇，陪我渡过一节又一节无心向学既课。

                                写于星期二 2教4楼电脑实验室

星期五果晚睇左狗哥比我既留言之后好有feel啊,即刻写左篇千几字既读后感,点知只死人space神鬼左,传唔倒上去,一晚既心血就甘就无左啦.为左纪念我亲爱的狗哥,我决定再打一次,狗哥,我对你都算系甘啦.

今晚睇左狗哥既留言我真系好感动啊.20年第一次狗哥以文字写低左对我既感觉,好真,好亲切.其实从细到大狗哥更似系我大佬,而我就系果个比人呵护既细妹,细个果阵,狗哥成日比我虾.玩B仔游戏,狗哥肯定做驴仔(仲记唔记得你果张臭B啊,成阵你D口水味嘎),而我就系果个骑住距”环游世界”既主人,狗哥虽然细我两年又系男仔,但做起家务上来就比我在行好多啦,以前阿妈经常唔系屋企.狗哥就煮饭比我食,距最醒系整咖哩鸡嘎啦,仲要系自己睇电视学嘎,食完翻之后又会乖乖地去洗碗,本来洗碗应该系我做既,不过我每次比二毫子收埋距,距就心甘情愿做我奴隶嘎啦,真系好廉价既劳动力啊~,狗哥好识悭钱,悭悭埋埋D钱就买游戏机.高达.四驱车之类玩具,最近呢几年,就买手机.mp3.数码相机果D电子产品,其实距买呢D野直接既受益人系我,因为我上大学了,狗哥仲上紧高中,距无时间玩呢D野,于是我就有借口经常带距既野翻学校玩,到现在为止,我已经唔见左距一部mp3一部手机啦,念翻起真系好惭愧啊,狗哥存左好耐钱先买翻来嘎~.

时间过得好快,我成长左,狗哥都大个仔啦,我地唔再玩B仔游戏,唔再捞乱低裤着,唔再一齐训中午教,但系感情依然好好.我有兴趣学煮野,狗哥就做我既白老鼠,无论几难食都好,距一定会食晒,食完之后又会比意见我,虽然有时好鬼淹尖,但系我知道距系想我进步.呢一年来,我终于似翻家姐啦.但系男女始终系有隔膜,我有心事唔会同狗哥讲啦,相反,狗哥唔开心就会话我知,我安慰距,讲道理比距听,然后距就开心翻啦,就好似细个果阵我哭距哄我一样,一切都无变,只系大家做既野调转左.

最后,我祝狗哥日日都开开心心.我爱狗哥!